Beint á leiđarkerfi vefsins
Aftur á forsíđu vefs

Fréttir Allir út

Fréttir Allir út - RSS

15.11.2016

Vetrarferđ í Landmannalaugar

Ferðafélag barnanna fór í sína árlegu vetrarferð um síðustu helgi þar sem tekið var forskot á jólasæluna og rykið dustað af jólalögunum og föndurdótinu.

Laugar1

Í þetta sinn var ferðinni heitið inn í Landmannalaugar og staðurinn tók á móti barnaskaranum með því að setja upp sitt fegursta vetrarskraut og toppaði svo herlegheitin með risatungli og norðurljósum.

Laugar2 Laugar4

Hópurinn taldi alls 11 fjölskyldur, 23 börn og 19 fullorðna og hafði í nógu að snúast. Gengin var 6 km hringur um Laugahraunið og Grænagil, farið var í bað í heitu lauginni, skálinn skreyttur með músastigum og föndri, sungið og sprellað á kvöldvöku, farið í ljósagöngu með blys, hlaupið um í útileikjum og hoppað í kjojunum.

Laugar5 Laugar6

Þessar ferðir hafa hefðbundið verið farnar inn í Langadal í Þórsmörk en nú brá svo við að þangað var ófært. Úrhelli síðustu vikna hefur leikið veginn inn í Þórsmörk grátt og Krossá hefur breitt svo vel úr sér að illfært er orðið nema fyrir sérútbúna bíla bæði inn í Langadal og Bása.

Laugar8 Laugar7

Til allrar lukku var hins vegar fært inn í Landmannalaugar sem er þó afar óvenjulegt á þessum árstíma. Ekki mátti tæpara standa því snjó hefur kyngt niður frá því um helgi og því er að öllum líkindum orðið ófært inn í Landmannalaugar núna.



Forsíđa »

Fréttir

Stjórnborđ

Minnka letur Stćkka letur Hamur fyrir sjónskerta