Beint á leiđarkerfi vefsins
Aftur á forsíđu vefs

Fréttir Allir út

Fréttir Allir út - RSS

10.10.2012

Í iđrum jarđar

Hvorki meira né minna en 80 hjálmklæddir hausar hurfu ofan í jörðina í Gjábakkahrauni á Þingvöllum í lok september. Sem betur fer komu allir hausarnir aftur upp eftir tæpa 400 metra göngu, skrið og klöngur í iðrum jarðar.

Formaður hellarannsóknarfélagsins útskýrir málin

Um var að ræða hellaferð Ferðafélags barnanna en leiðin lá í Gjábakkahelli sem liggur undir gamla veginn um Gjábakkahraunið. Með í för var formaður Hellarannsóknafélags Íslands, Guðni Gunnarsson, sem útskýrði tilurð hella og þær sérstöku umgengnisreglur sem um þá gilda.

Komið upp úrInni í helli

Eftir góða nestispásu hélt hópurinn í næsta helli, Laugavatnshelli. Sá hellir er allt öðru vísi enda manngerður, þ.e. meitlaður inn í móbergsklappir, og var mannabústaður á árum áður.

Klifrað

Móbergið í kringum hellinn er svo hið dægilegasta klifursvæði fyrir orkumikla krakka. Gilið sem liggur upp frá hellinum geymir magnaðar bólstrabergsmyndanir og þegar búið var að skoða þær var ferðinni slúttað í sundi, gufu, sána og almennu vatnabusli á Laugavatni.

Hér má sjá fleiri myndir.

Ískalt vatn á bakiðBusli busl



Forsíđa »

Fréttir

Stjórnborđ

Minnka letur Stćkka letur Hamur fyrir sjónskerta