Beint ß lei­arkerfi vefsins
Aftur ß forsÝ­u vefs

Fj÷lskylduganga um Laugaveginn

Fer­ir - RSS
Dagsetning: 19.7.2017
Brottfararsta­ur: Kl. 8 me­ r˙tu frß skrifstofu F═, M÷rkinni 6
Vi­bur­ur: Fj÷lskylduganga um Laugaveginn
Lřsing:

Stórfjölskyldunni gefst hér tækifæri til að ganga saman þessa vinsælustu leið landsins, í ferð sem er skipulögð með börn og unglinga í huga. Farangur og matur trússaður á milli skála og áhersla lögð á skemmtilegar samverustundir á kvöldin.

Fararstjórar: Þóra Þráinsdóttir og Jón Einarsson. Hámarksfjöldi: 22.

Brottför: Kl. 8 með rútu frá skrifstofu FÍ, Mörkinni 6.

1.d., fimmtud. Gengið frá Landmannalaugum í skálann í Hrafntinnuskeri. 5-6 klst.

2.d. Gengið um Kaldaklofsfjöll og gist í Álftavatni. 5-6 klst.

3.d. Haldið yfir ár og sanda í skálann í Emstrum. 7-8 klst.

4.d. Gengið yfir æsilega brú og stöðugt grónara land niður í Langadal í Þórsmörk. 7-8 klst. Áfanganum fagnað með hoppi og híi og kvöldvöku.

5.d. Morgunganga eða leti. Rúta til Reykjavíkur um hádegi.

 

Verð: 62.000/67.000. Hálft verð fyrir yngri en 18 ára. Innifalið: Rúta, gisting, trúss og fararstjórn.

Bókað á skrifstofu Ferðafélags Íslands, Mörkinni 6, fi@fi.is eða í síma: 568 2533.

 

Athugið að þessi ferð er líka farin dagana 5.-9. júlí og 3.-7. ágúst.

 .......

Glens og gaman á Laugavegi

Í Laugavegsferð undir merkjum Ferðafélags barnanna er lögð áhersla á að fara ekki of hratt yfir og leyfa börnum og foreldrum að njóta samvista á þessari vinsælu gönguleið.

Lagt er upp frá Landmannalaugum. Dagleiðirnar eru ekki langar og þess er vandlega gætt að allir fái að njóta sín. Glens og gaman í bland við fræðslu er aðalsmerki ferðarinnar. Umfram allt eru börnin í fyrirrúmi og öll fræðsla er á máli sem þau skilja.

Farangri er trússað og gist í skálum. Á kvöldin er mikið lagt upp úr skemmtilegum kvöldvökum þar sem farið er í leiki, sungið og sögur sagðar.

Aðalsmerki ferðanna er að börn og foreldrar kynnist með allt öðrum hætti. Tölvuleikir, sjónvarp og farsímar eru víðsfjarri en leikir og samtal í öndvegi. Það er mál manna að foreldrar nái í slíkum ferðum að tengjast börnum sínum með einstökum hætti. Það stendur gjarnan eftir þegar ferð um Laugaveginn lýkur í Langadal í Þórsmörk. Og þess vegna er algengt að sama fólkið komi aftur í ferðir á vegum Ferðafélags barnanna.

 


 

til baka


ForsÝ­a »

┴Štlun

Stjˇrnbor­

Minnka letur StŠkka letur Hamur fyrir sjˇnskerta