Beint ß lei­arkerfi vefsins
Aftur ß forsÝ­u vefs

Kj÷lur - Ăvintřrafer­

Fer­ir - RSS
Dagsetning: 17.8.2012
Brottfararsta­ur: Kj÷lur
Vi­bur­ur: Kj÷lur - Ăvintřrafer­
Lřsing:

Ævintýraferð um slóðir drauga og útilegumanna. Kjölur
17.-19. ágúst. 3 daga helgarferð. Hámarksfjöldi 30 (20 í skála)

Helgina áður en flestir grunnskólar byrja verður farið í stórskemmtilega fjölskylduferð um Kjalveg hinn forna. Gæða samvera fyrir alla fjölskylduna og tilvalin leið til að ljúka góðu sumri og búa sig undir langsetur í skóla og vinnu. Auðveldar dagleiðir fyrir byrjendur, bátsferð, leikir, sögustundir, söngur og sprell. Þetta eru kyngimagnaðar draugaslóðir Reynistaðabræðra og Fjalla-Eyvindar og Höllu í landslagi sem hefði sómt sér vel í Hringadróttinssögu.

Allir krakkar fá kort af leiðinni og búa til sinn eigin göngustaf. Dagleiðirnar eru um 15 km. og gera má ráð fyrir að gangan taki 6-8 klst. hvorn dag, eftir veðri og stemningu hópsins. Hver sér um sig í mat en afnot af grilli og kolum stendur til boða.

Dagur 1: Ekið í Hvítárnes þar sem farangur er skilinn eftir á meðan farið er í siglingu um Hvítárvatn, alla leið inn að jökli og í hinn dulmagnaða Karlsdrátt. Gist í Hvítárnesskálanum sem er annálaður draugaskáli. Mun hvítklædda konan láta sjá sig?
Dagur 2: Farangur settur í trússbíl, dagpokar axlaðir og gengið sem leið liggur meðfram Fúlukvísl og í skálann í Þverbrekknamúla undir hrikalegu Hrútfellinu.
Dagur 3: Gengið með dagpoka í hálfhring um Hrútfellið og inn í grasi gróna Þjófadali. Rútan bíður við Þröskuld og flytur göngufólk á Hveravelli þar sem ferðinni lýkur með góðu busli í bestu náttúrulaug landsins áður en haldið er heim á leið.

Undirbúningsfundur: 7. ágúst.
Mæting: Rúta frá Ferðafélagi Íslands í Mörkinni kl. 11:00, föstudaginn 17. ágúst.
Verð: 30.000 kr. Börn yngri en 16 ára greiða hálft gjald. Skráning á skrifstofu FÍ.
Innifalið: Rúta, trúss, sigling og fararstjórn.
Fararstjórar: Brynhildur Ólafsdóttir og Róbert Marshall sem eiga fimm börn og hafa mikla reynslu af því að ferðast með þeim. Þrjú yngstu (6 ára, 8 ára og 12 ára) verða með í þessari ferð.  

Skráning á skrifstofu FÍ í síma 568 2533.


 

til baka


ForsÝ­a »

┴Štlun

Stjˇrnbor­

Minnka letur StŠkka letur Hamur fyrir sjˇnskerta