Beint į leišarkerfi vefsins
Aftur į forsķšu vefs

Vettvangsferšir um jaršhitasvęši į Reykjanesi

Feršir - RSS
Dagsetning: 30.5.2010
Brottfararstašur: Mörkin 6
Višburšur: Vettvangsferšir um jaršhitasvęši į Reykjanesi
Lżsing:

Ķ sumar ætla Ferðafélag Íslands og Landvernd að halda uppteknum hætti og ferðast um jarðhitasvæði á suðvesturhorninu í fylgd jarðfræðinga. Í fyrstu ferðinni er áætlað að ganga um gossprungusvæði vestast á Reykjanesskaga, í annarri ferðinni verður farið að Ölkelduhálsi og gengið þaðan í Reykjadal þar sem ferðalöngum gefst kostur á að baða sig í heitri varmánni og að síðustu inn að Trölladyngju þar sem gengið verður um hin litfögru Sog og að Hvernum eina.

Vettvangsferðir um jarðhitasvæði á Reykjanesi 

Leiðsögumenn í ferðum sumarsins verða Sigmundur Einarsson og Kristján Jónasson, báðir jarðfræðingar á Náttúrufræðistofnun en þeir eru meðal höfunda skýrslu um háhitasvæði á Íslandi sem unnin var í tengslum við gerð rammaáætlunar um vernd og nýtingu náttúrusvæða.

Įfangastaðir sumarsins eiga það sameiginlegt að búa yfir merkum jarðminjum og einstakri náttúrufegurð, auk þess að vera álitnir gjöful orkuvinnslusvæði. Tilgangur okkar er að fræðast um jarðfræði Reykjaness og njóta um leið útivistar í einkar sérstæðri náttúru. Hugmyndir um að stofna eldfjallagarð á Reykjanesi hafa lengi verið við lýði og má lesa sig til um það efni á http://www.landvernd.is/yflokkar.asp?flokkur=1775

Ferðirnar eru í boði Landverndar og Ferðafélags Íslands og eru þær ferðalöngum að kostnaðarlausu. Vinsamlegast skráið þátttöku á vef Ferðafélagsins: www.fi.is eða sendið póst með upplýsingum um nafn, netfang og síma á fi@fi.is

  

Reykjanes - Reykjanestá - Gunnuhver

Sunnudagur 30. maí kl. 10.00-17.00

Brottför frá Mörkinni 3

Leiðsögumenn Sigmundur Einarsson og Kristján Jónasson, jarðfræðingar

Fararstjóri Sigrún Pálsdóttir

 

Ekið á Reykjanes um Hafnir. Litast um við Reykjanesvirkjun. Gengið frá bílastæði við Reykjanesvita vestur að gossprungunni frá 1226 og skoðuð ummerki eftir gosið, en gossprungan var bæði á landi og í sjó. Gengið á Valahnúk og horft yfir brimurðina og Reykjanestá. Gengið að hverasvæðinu og litið á Gunnuhver og Reykjanes-Geysi. Skoðaðar skjálftasprungur. Ekið til baka um Grindavík. Nokkur ganga en ekki erfið.

 

Ölkelduháls - göngu- og baðferð

Sunnudagur 13. júní kl. 10.00-17.00

Brottför frá Mörkinni 3

Leiðsögumaður Kristján Jónasson jarðfræðingur

Fararstjóri Sigrún Pálsdóttir

 

Ekið að Brúnkollublettum við Ölkelduháls og litast um. Gengið niður í Reykjadal og hverasvæðið skoðað. Bað í Reykjadalsá. Gengið áfram niður dalinn og upp Hverakjálka til baka. Jarðskjálftasprungur skoðaðar á Bitru. Ekið til baka til Reykjavíkur. Nokkur ganga en ekki erfið.

 

Trölladyngja - gönguferð

Sunnudagur 4. júlí kl. 10.00-17.00

Leiðsögumaður Sigmundur Einarsson jarðfræðingur

Fararstjóri Lárus Vilhjálmsson

 

Ekið að Trölladyngju um Afstapahraun. Gengið á Trölladyngju. Þaðan í Sog og að Djúpavatni og Grænavatni. Vestur yfir hálsinn að Hvernum eina og eftir Oddafelli að Höskuldarvöllum í rútuna. 6 klst. ganga. 

Trölladyngja er austan við Höskuldarvelli. Frá vegi við rætur fjallsins er fremur létt ganga upp á dyngjuna og þaðan er fagurt útsýni yfir Sogin sem er afar litríkt hitasvæði sem er falið inni á milli fjallanna. Þar er litríkur hveraleir og grænn gróður sem kemur flestum á óvart sem koma þarna í fyrsta sinn.

Žarna er fjölbreytt og skemmtilegt landslag, vindsorfnar móbergsbríkur og klettar í margvíslegum myndum. Gengið verður vestan undir Núpshlíðarhálsi um fjölbreyttar gígaraðir að Selsvöllum sem er ein af helstu gróðurvinjum skagans. Þaðan er gengið að Hvernum eina og síðan tilbaka eftir Oddafelli. Gufurnar frá Hvernum eina sáust frá Reykjavík á góðviðrisdögum um 1890.

Skráning í allar ferðir er á skrifstofu FÍ, minnst 2 dögum fyrir brottför.

  

 


 

til baka


Forsķša »

Įętlun

Stjórnborš

Minnka letur Stękka letur Hamur fyrir sjónskerta